V დღე

ტრენინგ დღე დავიწყეთ წინა დღეს გაკეთებული პრეზენტაციის google drive-ზე ატვირთვით, რომელიც შემდეგ ბლოგზე გამოვაქვეყნეთ embed კოდის საშუალებით. შემდეგ საკითხავ მასალაში გავეცანით საავტორო უფლებების დაცვას და ვნახეთ ამ თემაზე შექმნილი სლაიდი. გავეცანით მარტივად შესაქმნელი ბიბლიოგრაფიის შაბლონს. შემდეგ წავიკითხეთ საკითხავ მასალაში ინტერნეტის გამოყენება კვლევისთვის და მოვძებნეთ youtube-ზე პროექტის თემის შესაბამისი ვიდეო, რომელიც გამოვაქვეყნეთ ბლოგზე.
შესვენების შემდეგ ტრენერმა ისაუბრა სასწავლო ნიმუშების შესახებ და დაგვავალა საკითხავი მასალის წაკითხვა და რესურსებიში მოცემული ნიმუშების დათვალიერება. შემდეგ კი დაგვავალა მოსწავლის სავარაუდო ნაშრომის შექმნა.

(12:00) 02.07.14 ტრადიციული ქართული რეწვა

ჩემი პროექტის პრეზენტაცია

IV დღე

ტრენინგის მეოთხე დღეს ტრენერმა გაგვაცნო დღის წესრიგი, შემდეგ კი დაგვავალა საკითხავ მასალაში შეფასების სხვადასხვა მეთოდების წაკითხვა, შემდეგ კი თავად ისაუბრა შეფასების მნიშვნელობის შესახებ და გაგვაცნო მისი ფორმები. შემდეგ დაგვავალა შეფასების ფორმების დაგეგმვის ჩამოტვირთვა და გაცნობა, ასევე შეფასების სხვადასხვა მეთოდის გზამკვლევი გაგვაცნო, სადაც მოცემული იყო შეფასების ხუთი მიზანი და შესაბამისი მეთოდები და ინსტრუმენტები. თეორიული ინფორმაციის გაცნობის შემდეგ სახელმძღვანელოში წავიკითხეთ დროში გაწერილი შეფასების გეგმის შექმნის ინსტრუქცია, რის მიხედვითაც ტრენერმა დაგვავალა ჩვენი პროექტის გეგმაში შეფასების დროის ჩარჩოს შექმნა და შეფასების ინსტრუმენტების მოკლე მონახაზის დაწერა.
შესვენების შემდეგ კი გავაკეთეთ ჩვენი გეგმის პრეზენტაცია PowerPoint-ში. დასასრულს კი დღე შევაჯამეთ ბლოგზე.

III დღე

ტრენინგის მესამე დღე დავიწყეთ ბუკლეტებზე მუშაობით და შევქმენით ბუკლეტის მეორე გვერდი. შემდეგ ჩამოვტვირთეთ ესგ და მოვძებნეთ მასში საგნობრივი სტანდარტი და ის შედეგები და ინდიატორები, რომლებზე გასვლაშიც ჩვენი პროექტი დაგვეხმარება. სახელმძღვანელოს რესურსებიდან ჩამოვტვირთეთ განახლებული ბლუმის ტაქსონომია და 21-ე საუკუნის უნარ-ჩვევების შესაბამისი ლექსიკა, რაც გამოვიყენეთ შემდეგ პროექტის მიზნების ფორმულირებისას. შემდეგ კი პროექტის გეგმაში შევიტანეთ შედეგები და ინდიკატორები და ჩამოვაყალიბეთ პროექტის მიზანი. 

ჩამოყალიბებული პროექტის მიზანი გამოვიყენეთ ბუკლეტის დასრულებაში და შევიტანეთ ერთ-ერთ კომპონენტად. ამის შემდეგ ტრენერმა ისაუბრა მიმართულების მიმცემ კითხვებზე და ვნახეთ შესაბამისი პრეზენტაცია. ბოლოს კი ჩვენს გეგმას დავამატეთ მიმართულების მიმცემი ზოგადი, თემატური და შინაარსობრივი კითხვები. 

ტრენინგიას მსვლელობისას აქტივობებს შორის ვკითხულობდით ელექტრონულ სახელმძღვანელოს.

II დღე

მეორე დღე დავიწყეთ პირველი დღის რეფლექსიის ბლოგზე გამოქვეყნებითა და კომენტარების დაწერით. შემდეგ ჩამოვტვირთეთ და ჩვენს საქაღალდეში შევინახეთ პროექტის მახასიათებლების ჩეკლისტი და პორტფოლიოს რუბრიკა. შემდეგ ინტერნეტიდან გადმოვტვირთეთ ჩვენი პროექტის თემასთან დაკავშირებული ფოტომასლა.

ტრენერმა განიხილა პუბლიკაციის (ბუკლეტის) ფორმა და გვასწავლა მისი შექმნა, შემდეგ კი შევქმენით ჩვენი პროექტისათვის ბუკლეტის პირველი გვერდი. ტრენინგის დასასრულს კი დავიწყეთ პროექტის გეგმის შევსება.

I დღე

ტრენერმა გაგვაცნო კურსის სტრუქტურა და მიზნები და ამოცანები. შემდეგ კი გავეცანით ინტელის სახელმძღვანელოს, საიდანაც ჩამოვტვირთეთ 21-ე საუკუნის უნარ-ჩვევები და გავეცანით. შემდეგ ტრენერმა ისაუბრა ბუკლეტის მნიშვნელობაზე პროექტზე მუშაობისას. დესკტოპზე შევქმენით ჩვენი მომავალი პროექტის საქაღალდე და კურსის რესურსებში ჩავყარეთ 21-ე საუკუნის უნარები და chek list-ი. შემდეგ ტრენერმა ჩამოგვატვირთვინა პროექტის შაბლონი და განიხილა მისი შემადგენელი პუნქტები, რის შემდეგაც ვნახეთ რამდენიმე მზა პროექტის ნიმუში. პროექტის ნიმუშების დათვალიერების შემდეგ ტრენერმა დაგვარეგისტრირა gmail-სა და blog-ზე.